Томоохон хэргүүдийг шүүхэд шилжүүлжээ

: 97 өдрийн өмнө
 

АТГ-аас Ерөнхий сайд асан С.Баяр, Ч.Сайханбилэг, Сангийн сайд асан С.Баярцогт нарыг Оюутолгойн гэрээг байгуулахдаа албан тушаалын байдлаа ашиглаж, бусдад давуу эрх олгосон байж болзошгүй гэх үндэслэлээр шалгаж, шүүхэд шилжүүлэх саналаа прокурорт хүргүүлсэн байдаг. Тэгвэл прокуророос тэдний хэргийг шүүхэд шилжүүлжээ.

Түүнчлэн ТЕГ-ын дарга асан Б.Хурцын хэрэг, “Эрдэнэт” үйлдвэрийг гадны банкинд барьцаалан зээл авсан асуудлаар Жастын Ш.Батхүү, Ч.Ганзориг нарын хэргийг ч шүүхэд шилжүүлсэн байна. Одоо харьяаллын шүүх хэргүүдэд хяналт тавьж, шүүхийн урьдчилсан хэлэлцүүлгийг товлоно. Үүний дараа шүүх хуралдаанууд товлогдох эсэхийг шийдэх юм.

Мөн ХХБ-ны ТУЗ-ийн дарга Д.Эрдэнэбилэгийн хэргийг шүүхэд шилжүүлсэн. Өчигдөр түүний биеийн байдалтай холбоотойгоор суллах хүсэлтийг өмгөөлөгч нь гаргасан ч шүүхээс хэрэгсээгүй юм. Түүнтэй хамт тус банкны гүйцэтгэх захирал О.Орхон, “Монголын зэс” корпорацийн Ц.Пүрэвтүвшин, Б.Мөнхбаатар нарыг шалгаж байгаа бөгөөд тэдэнд хилийн хориг тавьжээ.

Эх сурвалж: “Зууны мэдээ” сонин

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд WIK.mn сайт хариуцлага хүлээхгүй.