Баянгол дүүргийн Удирдах ажилтнуудын ээлжит шуурхай зөвлөгөөн өнөөдөр боллоо. Шуурхай хуралдаанаар дүүргийн Дотоод аудитын алба, Цагдаагийн газар, Хүүхэд, гэр бүлийн хөгжил хамгааллын хэлтэс, Нийгмийн даатгалын газраас цаг үеийн асуудлаар мэдээлэл өглөө. ТУХАЙЛБАЛ,

• Дүүргийн ДАА-аас энэ оны III улирлын байдлаар дүүргийн хэмжээнд Шилэн дансны тухай хуулийн хэрэгжилт 95.6 хувьтай байна. Энэ нь өмнөх оны мөн үеийнхээс 5.2 хувиар өссөн үзүүлэлтэй байгаа ч зарим төрийн болон боловсролын байгууллага тайлангаа хугацаа хоцроох эсвэл дутуу тайлагнаж буй тул цаашид анхаарна уу гэдгийг онцоллоо.

• Дүүргийн ЦГ-аас энэ оны эхний 9 сард дүүрэгт 5344 гэмт хэрэг бүртгэгдсэний 2311 буюу 43.2 хувийг залилах, 866 буюу 16.2 хувийг хулгайлах, 742 буюу 13.9 хувийг хүний эрүүл мэндийн халдашгүй байдлын эсрэг гэмт хэрэг эзэлсэн. Иймд энэ төрлийн гэмт хэргийг бууруулахад анхаарч ажиллах шаардлагатай. Мөн дүүргийн хэмжээнд гарч буй гэмт, хэрэг зөрчлийг бууруулах хүрээнд дүүргийн Засаг даргын захирамж гарснаар 2026 оны 11, 12-р сард нэгдсэн аян зохион байгуулах тул холбогдох байгууллага, хороод идэвхтэй хамтран ажиллана уу гэв.

• Дүүргийн ХГБХХХ-ээс Хүүхдийн төлөө зөвлөлийн 01-р тогтоолын хэрэгжилтийн тайланг 43 гишүүн байгууллага ирүүлэхээс 36 нь ирүүлсэн, хэрэгжилт 83,7 хувьтай байна. Мөн Баянгол дүүрэг "Хүүхэд хамгааллын цагдаа" төслийг санаачилснаар өнөөдрийн байдлаар 16 сургуульд хэрэгжиж байна. Сургуулийн орчинд цагдаа ажиллаж эхэлснээр нийт 135 зөрчил илүүлснээр 17 зөрчлийг холбогдох байгууллагад холбон зуучилсан. Мөн энэ төслийн талаар 1680 эх асран хамгаалагчаас судалгаа авахад 48,7 хувь нь маш сайн, 24,7 хувь сайн ажил болсон гэж дүгнэсэн гэв.

• Дүүргийн НДГ-аас УИХ-аас баталсан Нийгмийн даатгалын сангаас олгох тэтгэврийн тухай хуулийн хүрээнд 11-р сарын 1-ний өдөр 39,002 үндсэн тэтгэвэр авагчид 40,4 тэрбум төгрөгийн бүрэн, 30,167 суурь тэтгэвэр авагчид 6,8 тэрбум төгрөгийг тэтгэврийг бүрэн олгосон гэсэн мэдээллийг тус тус өглөө.

Түүнчлэн өмнөх Шуурхай зөвлөгөөнөөс нийт 6 үүрэг даалгавар өгснөөс хэрэгжилт 91.7 хувьтай байна. Үүнд:

• Өвөлжилтийн бэлтгэл ажлыг хангуулах хүрээнд дүүргийн хэмжээнд нийт 1159 иргэн, ААНБ цас орсон үед хэрэглэх шаардлагатай багаж тоног төхөөрөмж авах болон үүдний хэсэгт халтиргаа гулгаанаас сэргийлэх наалт наасан байна.

• Хүүхдийн эрт илрүүлэгт нийт 20,212 хүүхэд хамрагдахаас 9875 буюу 48.9 хувь нь хамрагдсан бол томуугийн эсрэг дархлаажуулалтад хамрагдах эрсдэлт бүлгийн нийт 41320 хүнээс 38348 буюу 93 хувь нь хамрагджээ